घोराहीदेखि सौंडियारतर्फ जाँदै गरेको रा ३ प २९२२ नम्बरको मोटरसाइकलले बिहीबार राति घोराही ७ बेसाईमा दुईवटा साइकललाई ठक्कर दिँदा एक साइकल यात्रीको पनि मृत्यु भएको छ ।
दुर्घटनामा मोटरसाइकल चालक दाङ घोराहीका ३५ वर्षीय गंगाबहादुर कुँवर
र साइकल चालक घोराही १५ का १७ वर्षीय रितेश केसीको मृत्यु भएको जिल्ला प्रहरी कार्यालय दाङले जनाएको छ ।
दुर्घटनामा घाइते भएका दुबै जनाको राप्ती स्वास्थ्य विज्ञान प्रतिष्ठान घोराहीमा उपचारका क्रममा राति मृत्यु भएको जिल्ला प्रहरी कार्यालय दाङका प्रवक्ता एवम् प्रहरी नायव उपरीक्षक (डीएसपी) मुकुन्दप्रसाद रिजालले बताए ।
दुर्घटनामा घाइते मोटरसाइकलमा सवार घोराही ७ का ३८ वर्षीय बसन्त चौधरी र साइकल यात्री घोराही १५ का विनोद भण्डारीको स्थानीय अस्पतालमा उपचार भइरहेको छ ।
