गत जेठ २२ गते नेपालको पूर्वी भागबाट प्रवेश गरेको मनसुन देशभरि फैलिन अझै २–३ दिन लाग्न सक्ने बताईएको छ ।हाल प्रदेश १, मधेश प्रदेश, बागमती र गण्डकी प्रदेशमा मनसुनी वायुको सामान्य प्रभाव छ। अन्य प्रदेशका पहाडी भूभागमा स्थानीय वायुको तथा भारतको उत्तरप्रदेश र बिहारमा रहेको पूर्व–पश्चिमी न्यून चापीय रेखाको प्रभाव छ।
सामान्यतया नेपालमा मनसुन जुन १३ मा भित्रिने भए पनि यस वर्ष सो समयभन्दा एक साताअगाडि नै अर्थात् जुन ५ मै मनसुन प्रवेश गरेको छ। नेपालमा साधारणतयाः जुनदेखि सेप्टेम्बरसम्मलाई मनसुनको अवधि भनिन्छ। उक्त समयमा नेपालमा वर्षभरि पर्ने पानीको ८० प्रतिशत पानी पर्छ।
