बोर्डले बिग मुभिज, एफक्युज र बिएसआर मुभिजलाई कारबाही गर्ने भएको हो। वैशाख १ गते प्रदर्शन भएको कन्नड चलचित्रको हिन्दी डब चलचित्र ‘केजीएफ च्याप्टर २’ प्रदर्शनका लागि सिनेमा हलले प्रदर्शन अगाडि नै बुकिङ खुल्ला गरेका थिए। दर्शकको अत्याधिक माग भएपछि हल मालिकले अत्याधिक शो यो चलचित्रलाई दिएका थिए।
यही क्रमम राति फिल्म हलले तोकिएभन्दा बढी शुल्क लिएर बिनाअनुमति राति १ बजे र ३ बजेको अतिरिक्त सो राखेका थिए। रातको समयमा हल खुल्ला गर्ने निर्णय भने चलचित्र विकास बोर्डलाई थाहा थिएन। हलमा कति शो गर्ने भन्नेबारे जानकारी बोर्डसँग हुने गर्छ। झन् विदेशी चलचित्र प्रदर्शनीको लागि बोर्डले अनुमति नै दिनुपर्ने हुन्छ।
