जारी मिति बैशाख ६ गते तोकिएको ट्रेजरी खरिदका लागि वाणिज्य बैंक, विकास बैंक र फाइनान्स कम्पनीहरुले भाग लिन सक्नेछन् । उक्त ट्रेजरी ९१ दिने अवधिको पाँच अर्ब २० करोड र एक सय ८२ दिने अवधिको पाँच अर्ब रुपैंयाँको रहेको छ ।
यी ट्रेजरीहरुको परिपक्व हुने अवधि क्रमशः २०७९ साउन ३ गते र २०७९ कात्तिक १ गते तोकिएकोे छ । यी ट्रेजरीहरुमा पाँँच अर्ब रुपैंयाँको नयाँ रहेको छ भने बाँकी पुरानो नविकरण अन्र्तगतको रहेको राष्ट्र बैंकले जानकारी दिएको छ । राष्ट्र बैंकले गत साता पनि पनि १५ अर्ब २५ करोड रुपैयाँको ट्रेजरी बिल बिक्री गरेको थियो ।
