काठमाडौँ। नेपाल कम्युनिष्ट पार्टी (माओवादी केन्द्र)को आठौं राष्ट्रिय महाधिवेशनको बन्द सत्र आज विहान साढे ११ बजेबाट सुरु भएको छ । बन्द सत्रमा पार्टी अध्यक्ष क. पुष्पकमल दाहाल प्रचण्डले वैचारिक एवम् राजनीतिक दस्तावेज प्रस्तुत गरेका छन् । चार खण्डमा प्रस्तुत गरिएको दस्तावेज प्रचण्डले भण्डै १ घण्टा ३५ मिनेट लगाएर वाचन गरेका थिए।
आजै स्थायी समिति सदस्य क. देव गुरुङले विधान मस्यौदा प्रस्तुत गर्नेछन् । वैचारिक राजनीतिक दस्तावेज र विधान मस्यौदामाथि छलफल गर्न आजै समूह विभाजन गरी छलफल सुरु गर्ने कार्यक्रम रहेको माओवादी केन्द्रले जनाएको छ।
