समितिको बैठकले असार ५ गते प्रधानमन्त्रीलाई बोलाउने र त्यस अघि परराष्ट्रमन्त्री डा. नारायण खड्का संग छलफल गर्ने निर्णय भएको समितिकी सभापति पवित्रा निरौला खरेलले जानकारी गराइन् ।
समितिमा उपस्थिति हुनको लागि प्रधानमन्त्री र परराष्ट्रमन्त्री दुवैलाई पत्राचार गरिएको जानकारी गराइएको छ । प्रधानमन्त्रीको अमेरिका भ्रमणको विषयलाई लिएर प्रमुख प्रतिपक्षी दल नेकपा एमाले सदनमा समेत भ्रमणको विषयमा जानकारी गराउनु पर्ने माग राख्दै आएको छ ।
