तत्कालीन माओवादी जनयुद्धको सर्वोच्च कमान्डर तथा अहिलेको नेपाल कम्युनिस्ट पार्टी (नेकपा)का एक अध्यक्ष पुष्पकमल दाहाल ‘प्रचण्ड’ कुनै बेला असमानता, नातावाद र कृपावादको सबैभन्दा बढी विरोध गर्थे । तर जब तत्कालीन माओवादी शान्ति प्रक्रियामा आएसँगै उनी र पार्टीका नेताहरुको बोली र व्यवहार बिल्कुल फरक हुँदै गएको आम कार्यकर्ताको गुनासो रहदै आएको छ ।
संजोगले हो या सन्दर्भका कारण आगामी बैशाख ३० को आसन्न स्थानिय तहको निर्वाचनमा गृहजिल्ला चितवनको दौडधुपमा रहेका दाहाल शनिवार आयोजित प्रज्ञा स्मृति साइक्लिङ्ग म्याराथन–२०२२ का उद्घाटन कार्यक्रमको मञ्चमा परिवारले घेरिएको अवस्थामा देखिए । मञ्चमा छोरी रेणुसँगै अर्की छोरी गंगाको पछाडि जेठा ज्वाई सागर केसी र उनको नजिकैमा नातिनी पनि सार्वजनिक कार्यक्रममा सिगै परिवार माझ देखिए प्रचण्ड।
यतिबेला छोरी रेणुलाई पुन भरतपुर महानगरको मेयरमा दोहोराउने गरि सत्ताधारी दल नेपाली काग्रेससँग सम्झौता गरिसकेका दाहाल आफ्नो निर्वाचन क्षेत्रमा माहौल बनाउन सक्रिय छन् । सत्ता गठबन्धन दलहरुबीच वैचारिक भन्दा पनि पदीय भागबण्डाका आधारमा निर्वाचनमा एक भएर जाने भएका छन् ।
