काठमाडौँ। काठमाडौंको बालाजुमा मिनीबसले ठक्कर दिँदा दुई जनाको मृत्यु भएको छ। नम्बर नखुलेको गाडीले बालाजुमा बिहीबार बिहान ६ बजेतिर पैदल यात्रीलाई ठक्कर दिएको महानगरीय ट्राफिक प्रहरी कार्यालयले जनाएको छ।
मृत्यु हुनेमा रसुवा घर भइ हाल काठमाडौँ बस्दै आएका १८ वर्षीय विकास तामाङ र काठमाडौँ–१६ की ६० वर्षीया दुर्गामाया थापा मगर रहेकी छिन्। शव पोस्टमार्टमका लागि त्रिवि शिक्षण अस्पतालमा राखिएको छ।
ठक्कर दिने गाडीको खोजी भइरहेको र घटनाबारे थप अनुसन्धान भैरहेको बालाजु प्रहरीले जनाएको छ ।
